占士米拿同利物浦今夏约满，双方无意续约，不过呢位37岁中场不愁出路，至少有两支英超队对佢有兴趣，其中白礼顿最积极，准备同利物浦无缝交接。

《The Athletic》报道，白礼顿将於今季结束後，立即同占士米拿签约，认为佢喺英超嘅丰富经验帮到球队，主帅迪萨比亦好睇重佢，将会畀佢担大旗。

除咗白礼顿，已取得升班资格嘅般尼亦对占士米拿有兴趣，般尼主帅高柏尼同样37岁，两人喺曼城年代曾经做队友，高柏尼认为般尼如果签到占士米拿，球队实力将获提升。