利物浦左闸安德鲁罗拔臣，上星期代表苏格兰踢欧国外勇战受伤，据英国《每日镜报》报道，呢位29岁球星到依家仍要紮住右边膊头，如果要做手术治疗，将会缺阵至少10个星期。

罗拔臣喺对西班牙一仗跌伤右边膊头，依家仍然就甩臼问题做检查，报道指呢位苏格兰左闸可能要做手术，休养期可以由10个星期去到4个月，如果长时间缺阵对「红军」会系极大打击。

罗拔臣今季8场英超全部正选兼踢足每1分钟，虽然後备左闸希腊嘅森美卡斯助攻力一样强劲，但喺利物浦今场新战术，左闸经常要内收变成左中坚，森美卡斯嘅踢法未必可以适应，随时成为利物浦後防漏洞。