葡萄牙球星C朗拿度向来系「万人迷」，出名贪靓嘅佢，最近被英国一名整形医生追数，控告佢拖欠4万镑整形费用，仲令C朗疑似「加工」嘅地方曝光！

英国《太阳报》报道，整形医生Roshan最近入禀法院，指C朗喺2021年同22年效力曼联期间，拖欠合共4万镑费用。Roshang声称喺佢柴郡嘅诊所，曾经为C朗同佢家人以及同伴提供服务。

Roshan主要提供嘅整形服务，包括肉毒杆菌素同玻尿酸注射、皮肤护理同埋提眉，而且唔少政客、皇室成员、体育明星同荷里活巨星都系佢嘅客人，案件曝光令网民热论C朗系咪都「加工」，亦有网民认为C朗女伴乔治娜，更加有可能系「帮衬」嘅人。

喺伦敦同曼彻斯特都有开铺嘅Roshan，接受《太阳报》查询嗰阵回应：「我哋依家进行紧法律程序，作为一个专业医生，我唔会作出回应。」