英超曼联主场迎战般尼茅夫，「红魔鬼」刚於英联盃8强饮恨出局，重返联赛战场，领队鲁宾艾摩廉唔会再大意，自必精锐尽出力争３分。不过「般茅」今季唔讲得笑，无惧同对手斗攻，睇番曼联各项赛事近4次主场出击，半场总入球全开2球或以上，首选中位数1.5球半场大。（Now 621周日晚10时直播）

曼联喺艾摩廉接手後，近期表现略有起色，英超「曼市打吡」2比1反胜曼城，上场英联盃8强半力出击下，作客3比4不敌热刺。乐观啲睇一班主力有得休息，可以专注英超搏杀，尤其英联盃出局後，联赛更要向球迷交代，相信一开波就强攻「般茅」，佢哋近5次主场出击赢4场共轰14球，攻力有一定保证，早段出现入波唔奇。

般尼茅夫今季有惊喜，未计寻晚赛事目前排第6位，只比第4位嘅诺定咸森林少3分，仲有机会杀入前4，加上佢哋上季造访奥脱福，都大胜3比0而回，今晚同样信心十足，有利开半场大。

更多赔率：

https://bet.hkjc.com/ch/football/allodds/50039563?tournid=50000051