波兰世界足球先生罗拔利云度夫斯基日前返到慕尼黑，已向拜仁归队并参加季前集训，德国传媒形容「罗拔佬」喺度行行企企，心不在焉，睇嚟仍然受到转会问题困扰。

虽然「罗拔佬」上季结束时讲过，佢喺拜仁嘅日子已经结束，但暑假过去，斟介佢嘅巴塞隆拿仍未有实质行动，呢位波兰射手同拜仁仲有一年合约，日前只好返回球队基地，参加季前集训。

《图片报》全程观察佢喺拜仁操练情况，呢日佢迟咗6分钟出球场，亦系全队最後一人步出更衣室，虽然顺利通过体检证实并无伤病，但喺球场上嘅身体语言显示，佢唔想再留喺度。

去到分队赛环节，「罗拔佬」喺队中表现极hea，唔去抢波，亦冇入球，佢所属队伍落败之後，球员要做仰卧起坐作为惩罚，但佢就冇跟住做。如果拜仁唔肯放人，今季可能要用一个hea都极点嘅「罗拔佬」。