英格兰国脚史达宁正式加盟车路士，正喺美国集训嘅「蓝战士」周三(13日)宣布转会落实，呢位前锋亦喺洛杉矶首度着住车路士波衫现身，领队杜曹对呢单收购非常高兴，形象史达宁同车路士系完美配合！

车路士用5,000万镑向曼城收购史达宁，双方签约5年，史达宁喺洛杉矶亮相後表示：「好开心可以嚟到车路士，冇错我嘅生涯已经赢过好多冠军，但系我仍然想赢得更多，非常期待为车路士同杜曹效力，伦敦一直系我嘅屋企，我急不及待想即刻上阵，用表现证明自己。」

车路士领队杜曹对史达宁亦冇赞冇弹：「史达宁一直系我嘅头号目标，签到佢真系超级开心，无论年龄、经验同踢法都系我想要嘅人，史达宁同车路士系完美配合。」一手促成转会嘅车路士新班主保利就话：「史达宁系冠军球员，佢加盟令车路士实力大增，期待睇佢嘅世界级演出。」