皇家马德里上仗热身赛对巴塞隆拿，新加盟嘅德国中坚鲁迪格被安排担任左闸，阿拉巴就踢中坚，主帅安察洛堤表示呢个系新安排，并相信鲁迪格可胜任新位置。

皇马喺热身赛0比1输畀巴塞，肥安赛後表示，鲁迪格喺皇马将会经常客串左闸位置，佢话：「我好锺意鲁迪格，我冇黐线，因为佢好聪明，佢有能力胜任新位置，必要时亦可以同阿拉巴换位，不过我暂时唔想改变上季嘅中坚拍挡。」

皇马上季赢得西甲及欧联双料冠军，当时马些路未离队，阿拉巴同艾达米列达奥合作镇守中路，不过马些路老退之後，左路经常出现漏洞，因此肥安打算用鲁迪格踢左闸，顶马些路个位。