车路士物色新中坚计划，近期目标直指李斯特城嘅韦斯利科芬拿，虽然两间球会就转会费未倾掂数，但韦斯利科芬拿已急不及待表明转会心迹，日前将twitter自我介绍入面嘅「李斯特城球员」字句删除，又话会选择行对自己最有利嘅路，想加盟车路士嘅心非常明显。

据报李斯特城为韦斯利科芬拿叫价8,000万镑，而车路士目前只肯出6,000万镑，呢位法国中坚就向球会施压，除删除「李斯特城球员」嘅介绍外，亦喺IG转载人生金句：「我爸爸话我知，当你开始做对自己最有利嘅事情，其他人就会讨厌你，我依家终於明白。」

21岁嘅韦斯利科芬拿今年3月先同李斯特城续约，唔够半年就想离队，令球迷非常不满。消息指李斯特城目前受到财政问题困扰，唔单止冇能力收购新球员，仲有唔少主力将被卖走。