今晚曼联主场迎战利物浦，红魔未必如外界想像中绝望，因为两队最近一次交手曼联就赢过4比0，捧走「曼谷世纪盃」，有传媒估计，曼联今晚会用番上次赢利物浦基本人脚。

上次「曼谷世纪盃」赢利物浦嘅重点，系C朗尚未归队，哈利马古尼因有伤在身冇落场，当时阵容计有：迪基亚、达洛治、华拉尼、域陀连迪路夫、劳基梳尔、麦汤米尼、费特、查顿辛祖、般奴费南迪斯、拉舒福特同安东尼马迪尔。

报道指，安东尼马迪尔经过两场小休已经康复，今仗复出，季前热身赛显示出佢嘅速度同埋门触角，只要回复健康，球队进攻就有把握，而佢上次「曼谷世纪盃」亦有进帐，最重要系佢同队友夹开，唔似得C朗季前夹都未夹过就落场，效果必定更好。

至於马古尼就唔使多讲，早前已有消息称坦哈格打算弃用呢位队长，至於「曼谷世纪盃」时取代佢嘅域陀连迪路夫，今场亦未必会落场，将会改用坦哈格阿积士嫡系成员利辛度马天尼斯。

另外仲有两个位置会作出微调，就系基斯甸艾历臣将会取代费特，至於拉舒福特状态较差，将会由艾兰加取代。