曼联近日转会市场出招，据报目标系阿积士前锋安东尼马菲奥斯，呢位巴西国脚喺上场联赛更「罢踢」博转会，不过阿积士教练舒鲁达就首度回应，表明佢唔会同意卖走安东尼马菲奥斯，更寸爆曼联冇份踢欧联，安东尼马菲奥斯唔应该过档。

舒鲁达表示：「我想安东尼留队，亦预计阿积士会留人，依家嘅转会费已经高到失晒控，但系我会财政上全无问题，再卖人我一定唔OK。我明白安东尼嘅心情，但我哋系阿积士，我哋踢紧欧联，我唔觉得曼联有份踢。」

今季由热刺回流荷甲嘅贝云积，被问到安东尼有冇问佢去英超嘅意见，贝云积回应亦相当抵死：「冇喎，安东尼都唔识英文！」