狼队新签前锋沙沙卡拉积锡受伤长抖之後，会方积极物色自由身前锋，继早前爆出想签入迪亚高哥斯达之後，依家又有新人选，就系安祖卡路尔。

33岁嘅安祖卡路尔4月尾离开西布朗之後，一直未有球会收留，由於自由身球员唔受转会窗限制，佢随时可以同狼队签约。

安祖卡路尔曾经效力纽卡素、利物浦、韦斯咸等球会，但因为经常受伤，近年事业陷入低谷。据悉狼队仍然以迪亚高哥斯达为头号目标，如果签唔到呢位前西班牙国脚，先至会考虑签入安祖卡路尔。