曼联将於周五(16日)凌晨欧霸盃作客舒列夫，红魔鬼球星C朗喺社交网发文，话感觉良好，睇嚟心情唔错，可能今场就系佢打破入球荒嘅时候。

37岁嘅C朗今季各项赛上阵7场，仍然未取得入球，上轮欧霸盃分组赛对皇家苏斯达，佢踢足全场，但都系冇波入，表现难免令人失望。

不过，呢位葡萄牙国脚已经重拾心情，上载操练相到社交网，表示感觉良好。值得一提，相中仲有今季新加盟嘅中场卡斯米路，呢位巴西国脚同C朗一样喺英超担任後备，今场欧霸盃应该可以一齐踢正选。