今届世界盃决赛周将於卡塔尔举行，身为争标热门嘅德国队似乎唔多锺意喺呢个中东国家比赛，主帅费历克认为国际足协将决赛周主办权交畀卡塔尔系错误决定。

费历克话：「由卡塔尔举行世界盃是否正确决定？呢个问题应该早一啲处理，从人权及可持续发展角度睇，呢个决定明显唔正确。」

德国中场甘美治话理解有球员想抵制卡塔尔世界盃嘅想法，但必须考虑清楚，期待赛事来临，亦要处理各方面不满情绪，做到平衡。

除咗费历克之外，英格兰领队修夫基亦曾经批评卡塔尔人权状况，引来主办当局不满，英德小心得罪方丈，届时比赛冇运行。