曼联周日(2日)英超「曼市打吡」前有好消息，因伤休养咗接近1个月嘅拉舒福特，近日已经重投操练，将会赶及作客对曼城一仗复出，大大增加「红魔鬼」抢分机会。

拉舒福特自月初3比1赢阿仙奴後，就因大腿伤患而缺阵，据英国《太阳报》报道，呢位前锋已经伤愈并重投操练，如无意外可以喺「曼市打吡」候命，佢嘅复出亦意味C朗拿度可能要重返後备席。

英国《曼彻斯特晚报》报道，曼联一班踢国家队嘅球员，大部份都喺周三(28)返国卡宁顿训练基地，只有C朗、般奴费南迪斯、哈利马古尼同劳基梳尔有多1日时间休息，消息指哈利马古尼亦有大腿伤患，将会缺阵2个星期。