今届世界盃决赛周将於11月21日凌晨揭幕，35岁阿根廷球王美斯接受传媒访问时表示，今届将会系佢最後1次参加呢项大赛。

美斯接受阿根廷传媒访问时话：「我的确有一啲紧张同焦虑，今届系我最後1次踢世界盃，肯定系最後1次，我哋应该要点样做好佢呢？一方面急不及待希望比赛快啲到来，但另一方面亦有焦虑感。」美斯认为阿根廷有能力夺冠，但唔希望被贴上热门标签。

美斯球员生涯最接近捧世界盃系2014年，协助阿根廷打入决赛，但战至加时0比1不敌德国，功亏一篑，今届成为佢争取一圆冠军梦嘅最後机会。