美斯系足球场上嘅无价之宝，不过据阿根廷媒体报道，阿根廷中央银行有意为「球王」定价，依家正计划推出印上美斯肖像嘅1,000披索纸币，消息传出後唔少阿根廷球迷都表示支持。

据阿根廷《经济学家报》报道，带领阿根廷重夺世盃冠军嘅美斯，有机会有自己嘅银纸面世。报道指阿根廷中央银行喺世盃决赛前，已经「讲笑提出」要为美斯印银纸，不过银行多位高层同意，出版美斯纸币有助提升国民士气，唔排除会付诸行动。

有关美斯纸币嘅细节亦已流出，据报银纸面额会以美斯嘅球衣号码「10」为首，1,000披索就系首选，上面除咗有美斯头像同签名外，背面亦会印上领队史卡朗尼嘅匿称「La Scaloneta」，表扬佢带领阿根廷赢得世盃嘅丰功伟绩。阿根廷喺1978年首夺世盃冠军後，就曾经推出纪念币。