利物浦周二(3日)凌晨英超作客1比3输畀宾福特，表现令人失望，不过输畀宾福特亦唔算咩意外赛果，事关呢宾福特今季成为「巨人杀手」，面对Big 6除咗输畀榜首阿仙奴之外，曼城、曼联、热刺、车路士都喺佢哋脚下身份，利物浦并唔系walk alone。

宾福特今季英超9场主场有4胜4和1负，唯一败仗系输畀阿仙奴，而且佢哋遇强愈强，今季对Big 6成绩系3胜2和1负，包括主场4比0大胜曼联、0比0和车路士、2比2和热刺，更加试过作客2比1击败曼城，今场3比1赢利物浦其实唔算惊人赛果。

宾福特近期状态大勇，近4仗联赛3胜1和，领队法兰克表示：「球员表现令人印象深刻，我哋作客赢曼城，之後好唔够运咁打和热刺，再赢韦斯咸同利物浦，演出非常稳定。利物浦系世界最佳球队之一，要赢佢哋就要踢出200%水准，我希望球迷会享受呢场胜利。」