葡萄牙球星C朗拿度强势加盟艾纳斯，不过佢喺沙特阿拉伯首演就要推迟，艾纳斯周四(5日)主场对阿尔泰前，被告知C朗上季因打烂爱华顿小球迷电话，被足总判罚停赛2场嘅处分要喺沙特执行，意味C朗拿度要等多半个月先可以为艾纳斯首演。

C朗上年4月代表曼联出赛，作客0比1输畀爱华顿後，C朗返更衣室途中出手将爱华顿小球迷嘅手机打烂，11月世盃期间被英格兰足总追罚停赛2场，由於佢被罚後已经唔再系曼联球员，所以停赛令仍然生效，根据国际足协条例，就算英超同沙特属於2个唔同联赛，但有关停赛仍然要喺沙特完成。

艾纳斯周四主场对阿尔泰系C朗首场停赛，15号作客艾沙比就系第2场停赛，意味C朗首演最快要到1月21号主场对伊蒂法克先会出现。