受到财政问题困扰嘅巴塞隆拿，近年不断向自由身球员埋手，据西班牙《阿斯报》报道，呢支西甲「1哥」已经倾掂夏天第1签，效力法兰克福嘅法国中坚安迪卡将以自由身加盟，双方近日已经达成口头协议。

23岁嘅安迪卡曾做过法国U21国脚，系法兰克福嘅後防核心，今季20场联赛全部正选上阵，事实上巴塞隆拿球迷对佢并唔陌生，上季法兰克福喺欧霸盃8强淘汰巴塞隆拿，安迪卡两回合都正选上阵，佢喺次回合完场前更两黄一红被逐，而法兰克福最终顺利赢埋欧霸盃冠军。

德国媒体亦证实，安迪卡同巴塞隆拿已达成口头协议，预计3月份会正式签约，消息指安迪卡同时获得阿仙奴、热刺、祖云达斯等豪门垂青，但佢就对巴塞隆拿情有独锺。