试想像你有一日搭搭吓??突然撞到成棚球星，你会做啲咩？呢件事正正发生喺年轻女高尔夫球手Marta身上，佢日前喺巴黎郊区一个会所健完身出嚟，搭??嗰阵撞到成班PSG球星，佢随即自拍并分享上社交媒体，令佢一日爆红。

今年17岁嘅拉脱维亚年轻女高尔夫球手，日前喺巴黎郊区一处会所健完身後，搭??时竟咁啱遇上同场嘅PSG一众球员，包括基利安麦巴比、美斯、尼马等球星同佢喺一个密闭空间内共处几十秒。呢位世界排名234位嘅球手随即举起电话自拍，「捕获」一众球星并上传至社交媒体，博得近19万人赞好。

Marta一共分享咗5张照片，其中一张相入面，麦巴比同美斯望咗两眼镜头，似乎对??内有人影相感到意外，而沙治奥拉莫斯亦拧转半边面睇吓有咩嘢吸引众人目光，不过马昆贺斯就向镜头展露出一个灿烂嘅笑容，为Marta送上「厚礼」。Marta亦都喺照片说明上分享佢嘅「星级升降机」之旅：「喺健身室度过轻松嘅一日！刚与世界顶级嘅足球员搭同一架??。」