据英国传媒报道，车路士班主保利收购C朗拿度嘅计划，因为领队杜曹否决而正式搁置，而西班牙媒体就爆料，话杜曹之所以唔签C朗，系因为听咗前曼联领队兰历克嘅意见！

车路士班主保利想签C朗作为「招牌」，不过佢就将决定权交畀杜曹，西班牙《阿斯报》消息指，杜曹特别搵恩师兰历克询问意见，因为兰历克上季曾C朗共事大半季，知道呢位葡萄牙球星嘅优缺点，可惜报道指兰历克提供嘅意见都系「负评」，令杜曹更坚定否决呢宗收购。

原本今季改任曼联顾问嘅兰历克，执教奥地利国家队後已同曼联解约，同「红魔鬼」再冇任何利益关系，而杜曹球员时代因伤患提早退役，就系兰历克提拔畀佢执教史特加青年军，两师徒关系密切，兰历克当然唔会点条黑路畀佢啦！