西班牙球星法比加斯周一(1日)宣布加盟科木，虽然佢依家已经35岁，但走去踢意乙都令唔少球迷意外，而呢个谜团终於解开，原来「法比仔」已经成为科木股东之一，「自己生意自已做」就合情合理啦！

法比加斯今夏同摩纳哥约满，自由身签约科木2年，将会着上4号波衫。科木总监、前车路士队长韦斯就爆料：「法比加斯拥有科木股份，佢系老板之一，所以留喺呢度嘅时间会比预期中更长。法比仔睇到球会嘅潜力，佢希望可以参与长期发展，目标系进军意甲。」

科木喺2016年曾经破产，要由丁组业余联赛打起，不过2年前获一间伦敦公司入主後，成绩就不断上扬，球队喺2021年由丙组升上乙组，上季以第13名成绩冲线。