西甲劲旅马德里体育会周四(28日)进行热身赛，作客4比0大胜纽文西亚，安祖哥利亚、马菲奥斯根夏2位前锋都有入波。不过今场比赛就成为球迷「表态」嘅场所，唔少球迷展示横额，讲到明「唔欢迎C朗拿度加盟」！

盛传马体会将出售艾华路莫拉达、基沙文等球星，腾空薪金同位置去迎接C朗，但球迷反应麻麻，有球迷组织发起「反C朗运动」，今场热身赛亦有行动，球迷拉出一大幅写上「CR7 NOT WELCOME」嘅横额。

据西班牙《阿斯报》报道，马体会教练施蒙尼对C朗仍然好有兴趣，目前对手除咗意甲拿玻里之外，施蒙尼仲会肩负说服球迷接受C朗嘅任务，但大前提系马体会要先清洗球员制造财政条件，操作需要一段时间。