车路士喺欧联作客0比1不敌萨格勒布戴拿模，以7,000万镑转会费由李斯特城加盟嘅中坚韦斯利科芬拿，要负好大责任，佢畀对手米斯拿夫柯锡走甩，单刀射入。

当时韦斯利科芬拿喺对方半场，转身慢失咗身位之後，追极都追到米斯拿夫柯锡，喺後面「食尘」，睇住对方单刀射入，可见呢位中坚毫无速度，而且21次同对手对抗，只有12次成功，难怪唔少网民寸系佢「马古尼2.0」。

车仔今夏以1.8亿欧元签入3位後衞高列巴尼、古古列拿、韦斯利科芬拿，但防线却弱不禁风，踢6场英超已失9球，韦斯利科芬拿可能系贵价水货，领队杜曹今次肯定头痕。