国际赛档期开始，C朗返到葡萄牙国家队报道，准备嚟紧两场欧国联对捷克及西班牙赛事，并趁此空档卖广告，喺佢个人IG发布一条CR7底裤品牌嘅宣传片，最新造型系一名拳手。

影片见到C朗化身拳王嘅造型，对住沙包狂轰猛打，打到沙包爆开，棉花飞舞，充满视觉冲击，当然唔少得佢底裤品牌嘅大特写，似乎着咗呢条底裤，就好似佢咁劲。除咗打拳，37岁嘅C朗仍不忘展示肌肉，加埋打灯效果，佢腹肌线条清晰可见。

C朗上仗欧霸盃为曼联射入12码，终於取得今季首个入球，带住呢分自信，C朗返到葡萄牙国家队会合，同几位队友开心合照，准备应付对捷克同西班牙两场赛事，国际赛结束後，曼联将在英超火并曼城。