C朗何去何从相信元旦前应该有分晓，据西班牙传媒报道指，呢位葡萄牙球星将会喺年底同沙特球队艾纳斯签约，为期两年半，年薪高达2亿欧元(约16亿港元)。

早前据《每日邮报》报道指C朗同屋企人最近去到杜拜，同艾纳斯倾埋合约细节，包括广告嘅协议，而法国传媒《footmercato》更表示佢哋嘅谈判已接近搞掂。

至於西媒《马卡报》更透露C朗与艾纳斯将签订一份为期两年半嘅合约，《邮报》直言C朗已准备好加盟，未来10日就会签下呢份超级合约，年薪高达2亿欧元，合约到2025年6月，而到时C朗已经40岁，亦C朗曾经讲过自己嘅目标踢到40岁，正好完约就满足晒呢位超级巨星嘅生涯目标。

沙特球队艾纳斯系国内最成功嘅球会之一，曾9次赢顶级联赛冠军，最近一次系2019年，但最近两年失落冠军。世界盃前C朗正式同曼联解约，至今一直都未有欧洲大球会向佢招手，睇呢个情况，难得有超级合约系面前，的确系好吸引。