马德里体育会宣布，法国前锋基沙文新球季将会重新着7号波衫，不过呢个号码原本属於祖奥菲历斯，意味呢位葡萄牙球星好大机会被踢走，传闻巴黎圣日耳门有意提出借用。

基沙文喺马体会成名嗰阵，一直都系着7号，但佢2019年转会巴塞隆拿後，7号就由祖奥菲历斯继承，2年前基沙文重返马体会，只能够改着8号，今次佢突然拎番至爱嘅7号，意味祖奥菲历斯留队机会极低。

祖奥菲历斯今年1月被外借车路士，不过车路士新帅普捷天奴已表明唔会将佢买断，消息指法甲豪门巴黎圣日耳门打算提出借用呢位23岁前锋。