德甲劲旅拜仁慕尼黑正在积极拉拢热刺射手哈利卡尼加盟，德国《图片报》爆料指拜仁教练杜曹近日曾经前往呢位英格兰国脚屋企做「家访」，目的就系游说佢加盟。据悉热刺班主利维知道之後非常嬲，扬言要拜仁付出沉重代价。

据悉拜仁方面非常有信心可以签入哈利卡尼，杜曹甚至亲自前往呢位即将30岁嘅射手屋企，进行会面，获得热情款待，一齐畅谈争夺欧联冠军大计，更有传双方已经达成个人待遇条款。热刺班主利维得知事情之後，暴跳如雷，非常不满拜仁喺背後搞小动作，依家更加唔想将卡尼卖畀对方。

哈利卡尼只剩下1年合约，拜仁之前曾经提出以6,000万镑(约6亿港元)收购佢，但热刺要求1亿镑(约10亿港元)，经过今次事件之後，利维可能会再加价。

此外，利维亦准备向哈利卡尼开出新合约，但由於热刺欠缺争标实力，恐怕留唔住渴望一尝捧盃滋味嘅哈利卡尼。