西甲豪门皇马计划明年1月冬季转会费重开之後，出售老将却奥斯，据悉开始向多间英超球会推荐呢位33岁中场，包括曼联。事实上，早於10年前曼联已经打算签入呢位德国名将，莫非今次可以一圆未了缘？

却奥斯将於明夏约满，皇马为免届时人财两失，计划提早明年1月出售佢，曼联成为最大潜在买家，因为却奥斯10年前几乎成「魔」，佢承认前曼联主帅莫耶斯当年曾邀请佢加盟，双方已接近达成协议，但因为莫耶斯被炒，由尹戈尔接手领军，导致交易未能成事，却奥斯最终由拜仁慕尼黑转投皇马。

曼联近年连接签入皇马球员华拉尼、卡斯米路，难怪「银河舰队」想再搵呢个大买家接货。除咗曼联之外，纽卡素亦有可能签入却奥斯，顶替因为违规赌波被罚停赛10个月嘅辛度东拿利。