李斯特城37岁王牌射手占美华迪即将发布全新纪录片，讲呢位一代神锋嘅足球历程，近日部分内容流出，最令网友惊奇嘅系，原来华迪多年来有一项「暗黑伎俩」，就系用粗口攻击对方後衞。

讲粗口系唔啱嘅，我哋唔应该讲，但亦不能怪华迪教坏细路，事关球场上爆粗系好常见，至於华迪以粗口攻击对方後衞，原来都要做事前准备，就系学讲对方嘅粗口。

学讲粗口竟然系华迪嘅备战工作之一？原来真系。事关每场比赛负责看管华迪嘅後衞都唔同，每个後衞都有唔同国籍同来自唔同地方，而华迪嘅「备战工作」，就系学习对方後衞母语嘅粗口点讲，等到球场上同对方交手时，再用对方母语嘅粗口嚟攻击对方，令对方犯错，争取入波机会。

呢招可以话系暗黑伎俩，正规足球训练系唔会教，但华迪足球生涯入咁多波，证明佢呢招系非常有效。