唔少欧洲豪门近期都飞去美国进行集训，美职球队国际迈亚密周三(20日)对巴塞隆拿惨吞6蛋，两队实力有一定差距，惨败都唔系咩奇事，不碧咸囝囝罗密欧同菲腊尼维利囝囝哈维都有份上阵，令教练「菲腊仔」被质疑有「自肥」之嫌。

19岁嘅罗密欧系老板嘅公子、20岁嘅哈维就系教练囝囝，虽然两人都只系国际迈亚密青年军球员，但对巴塞隆拿就有份後备落场，自然引起球迷质疑，菲腊尼维利表示：「我将两个细路摆去翼衞，首先要考虑佢哋有冇『气质』去踢呢场波？我觉得佢哋有，两人用表现赢得喺呢场波上阵嘅权利，我以佢哋为荣，相信一众球员喺呢场波都学到好多嘢。」