法国中场保罗普巴做完膝盖半月板手术後，现正康复中，冇波踢嘅佢无所事事，近日又喺个人IG上载新发型，结果激嬲一班祖记球迷，大骂佢「换发型时间比踢波多」。

普巴今夏由曼联免费重返祖记，点知喺季前集训受伤，9月初复操时伤势加重，之後接受半月板手术，祖记公布佢复出日期系明年1月，不过普巴仍希望尽快复操，希望赶及世盃上阵。

养伤期间可能太无聊，普巴又试换新发型，睇番佢IG纪录，其实佢6个星期前先至剪过发，但佢头发长得快，近日又飞到伦敦换新发型，由头发、眉毛到胡须都剃成一条直綫。

对呢个新发型佢似乎好满意，喺IG留言「无限制嘅新造型」，不过祖记球迷却对佢好不满，有人留言：「换发型时间比踢波多」。或者因为祖记今季成绩差，开季7仗仅得2胜4和1负成绩，欧联两连败，球迷将不满迁怒於佢，但系普巴未开季就受伤，祖记成绩曳根本唔关佢事，只系飞个发都畀人闹，实在无辜。