C朗vs美斯再成全球焦点！沙特阿拉伯利雅得明星队周四将与巴黎圣日耳门PSG进行友赛，而利雅得公布了大军名单，新加盟嘅C朗领衔并以队长身份亮相；两位球王自2020年後首次同场交锋，这可能亦系最後一次。

利雅得明星队主要由利雅得胜利及利雅得新月两间球会派出球员组成，C朗到沙特嘅新东家利雅得胜利至今仍未落场，呢场友赛将会系佢为球队嘅首战，而沙特方面都畀足面呢位葡萄牙球星，寻日就专登将今次明星队嘅队长臂章交畀C朗，认真识做同尊重，并且由沙特体育总局主席Turki Al-Sheikh亲自为C朗戴上队长臂章。

PSG官网今日亦公布咗尼呢场热身赛嘅海报，为比赛造势，美斯同C朗分别系两队嘅重心位置，两位球坛天王再喺同场对决，有机会喺球迷最後一次睇到，而佢哋过往同时在西甲，就多次碰头，但C朗自2018年离开皇马之後，已经减少咗好多，最近一次已经系2020年12月，当时祖记作客以3比0赢巴塞，而C朗入两球，时隔2年几之後再碰头。将令人期待。

随着C朗加盟利雅得胜利，球队喺沙特联赛第15轮赛事对住阿尔菲斯嘅门票，亦趁机加价，由以往嘅30里亚尔加到100里亚尔，加幅3倍多。

不过，虽然即将要同PSG，但C朗忙里偷闲，寻日带埋一家大细出游，仲同女友乔治娜睇海狮表演，尽享家庭乐。