利物浦前线星光熠熠，穆罕默德沙拿、沙迪奥文尼同迪亚高祖达都入波一再，不过踏入2022年後，「赤军」首席射手竟然系防卫中场法宾奴！呢位巴西国脚周日(13日)对般尼一箭定江山後，近7场比赛入5球，成为入球机器！

踏入2022年後，曼联前锋C朗拿度仲未有入波，但法宾奴已经有5个入波，佢上月英足盃对梳士贝利入2球，之後联赛对水晶宫同宾福特都入波，加上今场对般尼入球，近7场赛事攻入5球，系佢出道以来最好嘅入波走势。

28岁嘅法宾奴对般尼赛後表示：「呢个数字真系好唔错，我一直想帮助球队，当你脚风顺嘅时候，个波总系会去到你面前，所以我经常做好预备，有时走去近柱、有时走去远柱等候时机降临。」