由多个英国媒体合办嘅「伦敦足球颁奖礼」日前举行，赛果相当出人意表，虽然车路士系上届欧联盟主，不过今次颁奖礼大赢家竟然系韦斯咸。车路士领队杜曹喺最佳领队奖项入面，唔单止输畀韦斯咸主帅莫耶斯，仲输埋畀英乙球队嘅领队排梗颈4！

呢个「伦敦足球颁奖礼」喺2015年已经举行，今届几个大奖意外落喺韦斯咸手上，英超最佳球员5强有迪格兰赖斯、查洛保云、鲁迪格、堤亚高施华同佐真奴，最终由迪格兰赖斯赢出；富咸前锋阿历山大米祖域就赢出非英超最佳球员奖。

最佳领队方面就更加得人惊，莫耶斯得奖都唔算太意外，但车路士领队杜曹竟然只系「伦敦第4」，亚军系英乙球队瑟顿联主帅马特格雷，富咸嘅马高施华就排第3位。至於另外2支伦敦豪门阿仙奴同热刺就冇晒影，阿仙奴只有门将兰斯达尔入选最佳门将5强、布卡约沙卡入围最佳新人5强，但最後输畀艾度亚文迪(最佳门将)同干拿加历查(最佳新人)。