皇马中场三长老之一嘅却奥斯，大有可能踢埋今季挂靴，皇马已开始安排该德国中场接班人，《阿斯报》指出，却奥斯打算喺自己生涯高峰期急流勇退，将自己位置留畀年轻人，唔想因为自己嘅存在，影响年轻球员成长。

报道指，32岁嘅却奥斯希望自己仲喺顶级水平时挂靴，而唔系等到自己走下坡先至做决定，佢亦做好生涯规划，唔想自己34岁仲踢紧波。由於佢明年1月满33岁，如果喺34岁之前挂靴，最合适时机就系踢完今季结束球员生涯。

另一个理由就系，却奥斯希望为年轻球员开辟一条进入正选阵容嘅道路，而唔系阻止年轻球员成长，佢嘅想法可以话相当高尚，完全为球队同年轻球员设想。

却奥斯踢过拜仁慕尼黑、利华古逊同皇马，赢过德甲、西甲同欧联，世盃冠军都攞过，生涯相当完满。