法国前锋安东尼马迪尔，今个夏天离开效力9年嘅曼联後，转投AEK雅典终於得到重生，佢喺周四(31日)凌晨希腊盃16强，一箭定江山带领球队晋级，相隔339日後再次取得入球。

现年28岁嘅马迪尔，今年9月减薪加盟AEK雅典签约3年，希腊盃主场对阿里斯，系佢加盟後第3场比赛兼首次踢正选，结果佢喺完上半场前，靠角球攻势门前混战射入，带领AEK雅典赢1比0晋级。

安东尼马迪尔入波影片：https://twitter.com/i/status/1851692133494800394　

马迪尔对上一次入波，已经系上年11月对爱华顿，相隔339日後再次入波，呢位法国前锋仲当选埋全场最佳球员，喺希腊生涯有个唔错嘅开始。