意甲劲旅拿玻里卖走高列巴尼後，早前由费伦巴治签入「南韩马古尼」金玟哉，呢位25岁中坚日前首度同队友见面，立即倾情演出一段《江南Style》，博得一众队友热烈反应，似乎佢融入新球会都冇咩问题。

大部份球队都有个传统，新加盟球员要喺全队面前表演唱歌，金玟哉日到去拿玻里报到後，喺球员聚餐入面表演南韩神曲《江南Style》，金玟哉右手拎住玻璃樽当咪用，一面Rap一而伸出手叫队友一齐唱，十足十开个唱咁款，最後更跳埋招牌「骑马舞」将条氛推上顶峰。